Tónlistarskóli Hafnarfjarðar starfar samkvæmt aðalnámskrá tónlistarskóla. Námið skiptist í þrjá áfanga og lýkur hverjum með áfangaprófi. Áfangarnir fara oft saman við hluta almenna skólakerfisins en það fer einnig eftir námshraða nemenda og hvenær þeir hefja nám. Grunnnám, þar með talið forskóli, hljóðfærafornám og fyrsti hluti Suzukináms. Oft fyrri hluti grunnskóla. Miðnám. Oft seinni hluti grunnskóla. Framhaldsnám. Framhaldsskóli. Fyrirkomulag prófa Áfangapróf Áfangaprófin eru þrjú: grunnpróf, miðpróf og framhaldspróf. Þau eru metin af prófdómurum á vegum Prófanefndar Tónlistarskóla. Prófin eru samræmd að uppbyggingu og samkvæmt viðmiðum aðalnámskrá tónlistarskóla. Millipróf Á milli áfangaprófa eru tekin svokölluð millipróf: G1, G2 og svo framvegis. Þau eru hugsuð til að varða leiðina að áfangaprófum. Vorpróf Vorpróf eru árleg próf á vorin. Kennarar skipta með sér að vera prófdómarar. Einkunn er gefin í tölum og umsögnum. Allir nemendur í grunn-, mið- og framhaldsnámi taka vorpróf nema þeir sem taka áfangapróf á sama skólaári.
