Tónlistarskóli Hafnarfjarðar leggur áherslu á samvinnu nemenda og þjálfun í hljómsveitarleik og fjölbreyttu samspili. Nemendur eru hvattir til þess að taka virkan þátt í samspili og hljómsveitarstarfi skólans og er það hluti af kjarna námsbrauta.
Lúðrasveitir
Í skólanum eru tvær lúðrasveitir sem spila á ýmsum tónleikum og uppákomum í Hafnarfirði.
- A-sveit fyrir byrjendur
- B-sveit Fyrir lengra komna
Stjórnendur eru Helga Björg Arnardóttir og Karen Erla Karólínudóttir.
Æfingatímar
Samspil í Tónkvísl
Í rytmískri deild eru starfandi fjölbreyttir samspilshópar þar sem lögð er áhersla á ólíkar stíltegundir. Allar æfingar fara fram í Tónkvísl nema stórsveit þar fara æfingar fram í stofu 3 á Strandgötu.
Æfingatímar
Smærri samspil
Ýmis smærri samspil eru í skólanum þar sem nemendur spila saman. Sum samspil æfa reglulega og einnig eru oft samspil fyrir ákveðna atburði. Misjafnt er eftir árum hvaða smærri samspil æfa saman en það fer eftir nemendahópum og hljóðfærum.
Æfingatímar
Sinfóníuhljómsveit
Tónlistarskólinn rekur sinfóníuhljómsveit fyrir nemendur sem lokið hafa grunnnámi eða fast að því. Hljómsveitin hefur meðal annars tekið þátt í Nótunni (uppskeruhátíð tónlistarskólanna). Einnig hafa verið farnar utanlandsferðir til Cuxhaven í Þýskalandi og til Þórshafnar í Færeyjum.
