Powered by Google Translate
Automatic translation by Google Translate. We cannot guarantee that it is accurate.
Kennt er samkvæmt Suzuki-aðferðinni sem byggir á grunnhugmyndinni að öll börn geti lært tónlist, rétt eins og þau geta öll lært móðurmál sitt. Það eina sem þarf til er tónlist í umhverfinu, góður kennari og virk þátttaka og uppörvun foreldra.
Blokkflautur eru tiltölulega ódýr hljóðfæri og meðfærileg sem gerir þær vel til þess fallnar að kenna byrjendum.
Fiðlan er minnsta hljóðfærið í strengjafjölskyldunni og hefur hæsta tónsviðið.
Sellóið er talsvert stærra hljóðfæri en fiðlan og með mun dýpra tónsvið. Á selló er leikið sitjandi með hljóðfærið á milli hnjánna.
Nemendur hefja nám á bilinu 3 til 5 ára. Námið fer að miklu leyti fram í gegnum leiki og upplifun barnanna.
Engin krafa er um að eiga hljóðfæri en hægt er að leigja fiðlur og selló hjá Tónlistarskólanum.
Hver nemandi kemur í 30 mínútna einkatíma, einu sinni í viku, ásamt foreldri eða forsjáraðila.
Í hverri viku mætir nemandinn líka í hóptíma (ásamt foreldri eða forsjáraðila) með öðrum nemendum á sama getustigi þar sem spilað er saman og farið í ýmsa tónlistartengda leiki.
